Jane kyun ho gaye hain woh ruswa humse?

Jane kyun dil bhar gaya hai gham se??

Jane kyun aansun gire hain cham se???

Jane kya khata ho gayi hai humse????

Rote hue mann ko sambhalein kaise?

Bikhre hue sapnon ko sawarein kaise??

Tuti hui ummeedon ko jode kaise???

lastly, ruthe hue rishton ko manaye kaise????

Dil ke armaanon ko beh jane do,

dhadkan ko khulke kuch keh jane do.

Kya jarurat hai pinjara laane ki?

Panchi banke dil ko ud jane do.........

Yaaron, zindagi mein dard seh ke toh dekho,

is dil se koi fariyaad karke toh dekho.

Khuda bhi tumhari madat ke liye aayega,

dil ki baat kisise keh ke toh dekho.....

Zindagi har pal ek naya samjhauta,

koi kuch pata toh koi kuch khota.

Chahat toh badhti hai kuch paane ki,

ab toh aadat si ho gayi hai,aise zindagi bitane ki..........

Jaanke bhi anjaan kyun bante hain log?

Apni hi zindagi mein zeher kyun bharte hain log??

aGar himmat nahi kisiko sach batane ki,

toh dil mein sapne kyun bunte hain log???

Ishq ka kya, woh toh yuhin ho jata hai.

Keh diya toh thik, varna reh jata hai.

Bhul ke zindagi ko fas jate hain log izhaar-ikraar ke chakkar mein,

kuch nahi par milta hai unhe dard, gujarte waqt ki takkar mein.........

In aankhon ko tha jinka intezaar,

unke achanak aane se aayi thi woh bahaar.

Kehte hain dil ki gali se bachke gujarna,

kyun ki yahaan tute hain dil hazaar........

Khil uthe khushi se hum ke unse hogi mulaqaat,

dhadakte dil ne saja liye the kuch haseen khwaab.

Baaton baaton mein samajh aayi ek baat,

ke unhe gawara nahi humara saath......

Baithe rahein is soch mein ki humne kya hai khoya,

tanha raahon mein sirf dard tha paaya.

Zindagi ne kuch hi palon mein jo toofan tha laaya,

aajtak yeh dil usse ubhar na paaya......

Jeevan ka falsafa hai kitna ajeeb,

woh dur ho ke bhi dil ke hain kareeb.

Dil jo chahta hai humein mil jaye,

kismat se milta hai aisa naseeb.....

Khush hain hum, yeh sabko nazar aata hai,

Dil ka dard toh yuhi bayaan hota hai.

Dhundhte rehte hain hum tarike khush rehne ke,

Inme gujar jate hain lamhein milne-bichadne ke.........

Dil mein chupa hai dard kuch khaas,

Pal pal kisike (wapas) aane ki hoti hai aas.

Khush hain hum yeh bayaan hota hai ehsaas,

Lekin koi kya jane, yeh dil hi toh na raha humare paas......

Woh toh ek junoon tha jo gujar gaya.

Nazar ka ek teer is dil mein gadh gaya.

Ummeed ka dhuan saanson ko jakad gaya.

Is sab mein, jo hamara tha, woh bhi kahin kho gaya ...

Ek chote se mann ki chahat thi woh,

dhadakte hue dil ki raahat thi woh.

Galat socha humne ki khamosh hai uski zubaan,

par sheeshe se dil ko tod de aisi kayamat thi woh........

Zindagi ne bina maange bahut kuch hai diya.

Jab unhe maangna chaha toh saath na diya.

Ab toh hai rab se hamari itni hi dua ke,

unhe dekhte hue band ho aankhon ka diya......

Jane anjane milte hain rahi.

Jaruri toh nahi ki woh ban jaye mahi...

Aate aate ek baat hai dil mein aayi,

behtar hoga agar samjho baat ki gehrayi....

Tanhayi mein dil kuch sochta hai gehra,

khushiyon mein nahi hota ispe koi pehra.

Samundar kinare rahi kyun chalta hai akela?

Shayad is soch mein ki ab hoga savera.....

Kitne mauke aye aur kitne gaye,

woh humse kuch sunne ko taras gaye.

Yeh jaanke ki waqt ka taquaza kuch sahi nahi,

na chah ke bhi hum chup reh gaye........

Ret ki tarah haath se fisal rahi hai zindagi,

ek kinare se dusre tak bhatak rahi hai zindagi.

Dheemi hava se bhi chalakta hai pyaala zindagi ka,

kuch is tarah banta hai fasana zindagi ka.......

Tumhe sunaoon ek khushal dil ki kahani,

haste khelte gujar rahi thi zindagani.

Kahin se ek bahar ne is dil pe dastak deni chahi,

par wohi bahar in aankhon mein aansun laayi.....

Unki khushi ko hum apni khushi samjhte rahein,

unke gham ko hum apna gham samajhte rahein.

Par hum itne mahaan nahi ke,

unhe kisi aur ka hota dekh unke saath khade rahe.......

Yeh dil hi toh hai,jo chot lagne pe roke sambhal jata hai.

Yeh dil hi toh hai jo chot denewale ko har haal mein khush dekhna chahta hai.

Par hum is dil ke haathom majboor hai,

kyunki woh chot denewala is dil se bahut dur hai......

Jab unka khayal dil se takrata hai,

dil na chah kar bhi khamosh reh jata hai.

Toh chalo inhi khayalon se kuch seekha karein,

taki zindagi mein phirse kabhi rona na pade....

Yeh jaanke bhi ke woh hamare na ho sakenge kabhi,

humne unki khushi ko apna bana liya;

Lekin kahin na kahin us gham ne is dil ko patthar bana diya......

Jami ho mehfil aur zikr ho dil ka,

tab ja ke sab ke dil ka taala hai khulta.

Jazbaat toh machalte hain bahar aane ke liye,

jane kyun log lage rehte hain inhe phirse dabane ke liye...